Воскресѣня

12.04.2015 16:29

Зачатком авторовой творчости была робота над церковныма текстами. Яко ду­ховно заложеный чоловѣк вєдно з о. Франтишком Крайняком робив над ста­рославянскыма церковныма текстами, а и доднесь не лишат писати тво­ры духовной тематикы. В обновеном року 2003 Обществѣ св. Йоана Кре­сти­­теля одповѣдат за языкову корректуру духовного часописа Артос.

Через тоту славну подѣю Христос
нам дават надѣю.
Кебы остав в гробѣ без змѣны,
вѣра бы не мала цѣны.
Он зробив, что никто не мог –
воскресѣнем смерть перемог,
з обыстя смерти живый встав,
жебы помершым живот дав.

Днесь при его порожном гробѣ
тото просьме каждый собѣ:
Христе, як я з мертвых воскресну,
даруй ми славу небесну.
Час посту ся уж поминув,
на радость маме причину,
бо уж сьме чули новину –

Христос воскрес! Воистину!

Зо зборника «Духовны Пѣснѣ» (2008)