Сарака

13.01.2015 18:54

Слово сарака 'неборак', 'сегинь', 'сирота', 'біделак', 'бідолаха' мае ясну и не­о­спор­ну етимологию. Сло­во пришло з румынского sărac (чит.: серак). Зась да­ле­ко не такым ед­нозначным е ареал рос­ши­реня того слова. Словник Янова за­зна­чат го у Гу­цу­лов и на другой сторонѣ Кар­пат. Зазначеное и в укра­инскых слов­ни­ках, напримѣр Грин­ченка, Же­ле­ховского, в украинско-лемковском словнику Ду­ды. Но у ма­тич­ных Лемков не е в широком хос­но­ваню, судячи з того же в слов­нику Го­ро­ща­ка хы­бит, а у Верхратского споминат ся в поясненях, але не вы­ступуе як гас­ло. Не зазначеное ани в слов­никах войводинскых и во­сточ­но­сло­вацкых ру­си­нов.