Пацери

22.12.2013 11:29

Пацери, деминутив пацеркы и его диалектны формы пацюркы, пацѣркы, еднина пацерь, пацерка, диал. пацюрка, пацѣрка – сут родом з латинского языка, конкретно од зачаточных слов молитвы Pater noster ‘Отче наш’.  Слово хоснуе ся у вшыткых Русинов од Лемковины по Войводину. Окрем самой молитвы або серии молитов означат и просто дробны монисты, бисеровый гердан на шию и фигурално хотьшто иншое, подобное на бисер, ба даколи через подобность и косткы хребтового стовпа.