Нич ше мнѣ не пачи

18.08.2014 18:54

Подля зоставителя зборника, Михаила Врабеля тоту спѣванку зобрал в Седли­сках Иван Поливка, котрый там учителевал в роках 1884–1887. Тамошна гвара е близка ку бесѣдѣ дольноземскых Руснаков, а туй можеме видѣти при­мѣр того, як М. Врабель записовал и тоту рѣч етимологичным правописом, кот­рый и дольноземскы Руснакы хосновали не лем до року 1923,коли Габор Кос­тел­ник появил нынѣ хосновану фонетичну грамматику, а ищи долго по тому, онь до середины 1930-х.

Нич ше мнѣ не пачи,
лем тота приправа,
чарна реверенда
и кандраста глава.  

Дармо ме, мой оцец,
до школы даваце,
не будзе зо мня поп
ани не жадайце.

Не будзе зо мня поп,
ани жадный патер,
бы сом од олтара
на невѣсты патрел.

Притрафило бы ше
мнѣ пойздз и по квесце,
а я бы заблудзел
ко шварней невѣсце.

Трафило бы ше мнѣ
пойздз и ко хорому,
а я бы заблудзел
к дзивчатю шварному.

 

Жерело: Русскій соловей. Народныя пѣсни. Собралъ М. Врабель Унгваръ. 1890. 112.