Лѣцы

22.12.2013 16:01

Лѣцы, еднина лѣца ‘ремѣнь, закапчаный на зубадла коня, жебы ним управляти’. Слово хоснуе ся в ограниченом ареалѣ: Лемковина и сосѣдуючы территории Пряшовщины. Всягды инде хоснуе ся синоним дяпловы, еднина дяплов. Оба сесѣ слова сут перебраны од сосѣдов. Едно з нѣмецкого Leitseil, другое з мадярского gyeplő.

Еднак, тоты, што хотѣли бы очищати наш язык од перебраных слов и хос­но­вати чисто славянскы, мают и таку можность. Подобно русскым вожжи, поводья, або украинскым віжки, поводи – Русины мают  водзькы, едн. водзька. Як видко, у вшыткых трех родинскых языках тоты слова ведут ся од часослова водити, вести.

Днесь уже возиме ся на автах, а не на конных кочах, прото слова сесѣ достали другое житя як означеня серсамы дѣтвака водити, коли щи лем ся учит ходити.