Кто там дуркат?

18.08.2014 18:46

Подкарпатскыи Русины, оставте глубокый сон! Народный голос зовет вас: не забудьте о своем! Щи цѣлком иншак мож повѣсти Духновича святое слово: чиѣ сьме дѣти знайме исто, з тым не сушѣм собѣ головы. В той, нажаль, не барз по­знатой, на­род­ной спѣванцѣ в поетичном образѣ Дѣвицѣ, смутной и прекрасной, спознаеме русинску бесѣду, котру маеме од праотци, ай познаеме, прошто е смутна. Зложеня и поетика того текста напоминат нам творы Пе­тевфия. Дидактично, а при том як красно!

Кто там дуркат, сыне,
         выникни вон!
Кто то ми прерыват
         глубокый сон?
Няньку, – една ту дѣвиця
смутна и прекрасна, як горлиця.

Скажи, дѣвча, кто твой
         отець-мати?
Ачей, я го могу и познати.
         Мама русска и отець,
Кирилл и Мефтодий панотець.

Славная дѣвице,
         прошто ходиш?
Мокру росу додня
         прошто бродиш?
Вас ем пришла навщивити,
Русскых братов од сна избудити.

Прошто маеш очи выплаканы,
         власы поверх плечи розсыпаны?
Се волося не сплете ся,
         докля Русин к мамцѣ не верне ся.

Жерело: Русскій соловей. Народныя пѣсни. Собралъ М. Врабель Унгваръ. 1890. 42.