Комисный

23.03.2015 19:41

Комисный значит 'солдатськый', 'од державы застаченый', а и фигурално 'леда­якый, ненайлѣпшый' и мае ясну етимологию: иде од нѣмецкого Kommiß из зна­че­­нем 'рекрутчина, военска служба', что цѣлком природно, понеже в Австро-Ма­дяр­щинѣ в вопросах военскых доминовала нѣмецка терминология.

Мамко моя мила, ѣм я хлѣб комисный,
Бо я, мамко, ношу царськый мундур свѣтлый.
            (Народа спѣванка зо зберькы А. Годинкы).

Найчастѣйшое хоснованя: комисный хлѣб 'солдатскый хлѣб', 'чорный хлѣб' мае тоже прямый нѣмецькый оригинал:  Kommißbrot.