Кирбай, кермеш

29.10.2013 22:37

Кедь чуеме слово «кирбай» у дольноземскых Русинов, може у нас взникнути думка, же тото слово сербское, бо и Сербы го мают, а перебрано од турецкого. Так думаючи дуже бы сьме ся замылили. Слово тото значит рочный церковный праздник дня посвяченя церкви, котрый ся звычайно споюе ай з торговицев, де мож купити цукрикы, лизала, медовникы, иншу всяку добрятину. А повело ся з нѣ­­мец­кого Kirchweihe 'посвяченя церкви', у Лемков же на Горници ему одповѣдат слово «кермеш»  з нѣмецкого Kirmes 'храмовый праздник, а тыж ярмок'. У подкарпатскых же Русинов, а и в шыр­шом околѣ сохра­нило ся на тото понятя слово «одпуст»,  котрое означат главное содержаня того церковного празд­­­ника, а тым е одпущеня грѣхов через сповѣдь.