Боже мой, Боже мой, пойду на Угоры

11.08.2015 17:34

Александер Павлович быв и зберателем народной поезии. Коли Евген Фенцик в Листку выголосив, же радый опубликуе и народну творчость, едным из первых на тото одозвав ся, заславши до редакции сей стишок.

Artur Grottger: Жиды перед корчмов


 Народна пѣсня

 

Боже мой, Боже мой, пойду на Угоры;

Там мому милому продавають волы.

За что их продали? лем за двасто златы,

Бо их дал продати Хаим пелехатый.

*

Не так то сам Хаим, як жидовка Хая,

Каждый день по галбѣ паленкы му дала.

Не самой паленки, но ѣл и гугелькы,

Попивал араку, пропил и волонькы.

*

Ой, Боже мой, Боже, что маю робити ?

Я уж раз не знаю, як дѣти живити.

Ни дѣти живити, ни соли купити,

На мужа ми бѣда, уж нѣт за что пити.

*

Пропил уж волонькы и чтыри восьмины,

Все ходить до Хаѣ, бо му Хаим милый.

Сообщил: А. II.

 

Жерело: Листок, 1887, апрѣль, ст. 123–124.
http://rusyns-library.org