1938 Што ся дѣе на Подкарпатской Руси

20.05.2013 10:50

Др. Алексѣй Юлианович Геровскый, внук Адолфа Ивановича Добрянского, поклав много сил, жебы домогти ся од Чехов сповненя их межинародных повинностей, на котры ся подъяли в рамках сен-жерменского договора, на условиях котрого достали под свою власть Подкарпатску Русь. Подля того договора языковы и школны вопросы мали были цѣлком автономно ся рѣшати мѣстнов властев Подкарпатской Руси. Чехы свои повинности беспардонно игноровали и насажовали в Подкарпатю языкову ворохобу, котра давала им можность постепенно чехизовати автохтонное жительство и затяговати заведеня автономии. Активное дѣятельство А. Геровского Чехы не выгадали способа зоперти иншак, як выголосити го персонов non grata, забрати му чехословацькое державанство и выказати го з краины. По тому дѣятельство свое карпаторускый политик продовжив у ЗША, одкы з делегациов Карпаторусского Союза в переломном 1938. року, доставши специалный дозвол чехословацкой володы, навщивив Подкарпатску Русь и добив ся въедно з мѣстныма политиками сформованя первого автономного правительства края. О той подорозѣ написав документалное справозданя, судячи з его содержаня, в конци 1942. рока, або зачатком року 1943. До свого повѣданя замонтовав и добовѣ документы, котры красноречиво свѣдчат о положеню русинской школы, языка и културы в чехословацкой добѣ.

Читати:  Gerovski.pdf (1415033)