1741–1799 Иван Пастелий: Пѣснь о должности пастыря душевнаго

14.05.2015 12:59

 

Каноник Иван Пастелий (1741–1799) лишил слѣд в карпаторусинской литера­ту­рѣ, сим сво­им славным вершом, котрый ходил в роз­лич­ных вариантах и пе­ре­робках, что свѣд­чит о его популарности. Первый раз опуб­ли­ко­вал го М. Дра­гоманов (1894), пак І. Франко (1900), оба одкликуют ся на текст, котрый до­ста­ли од о. А. Кра­лицкого з Мукачова, еднак тоты публикации сут розличны. Два шо­рикы, [*] котры в другой публикации хы­би­ли, доданы путем поровнаня текс­тов. 

Иншак Иван Пастелий заслужил ся своима историчныма роботами «Historia Dioecesis Muncatsiensis» и «De origine Ruthenorum», котры пак Михаил Лучкай включил  до пятого тома своей роботы «Historia Carpato-Ruthenorum».

 

 

Пастырю душевный, ты попе избранный,
люд грѣшный очищати от Бога есь данный.
Як же другых очищаеш,
кедь сам скверным изостаеш
жиючи блудно?

Апостолство тобѣ есть поручено,
люди просвѣщати от Бога вручено, [*]
а ты и сам во тмѣ ходиш
и всѣх со собою водиш
во ров пекелный!

Идут лѣта, попе, приходит кончина,
абы тя не застала лютая година!
Глубоко спиш – пробуди ся!
Заблудил есь – наверни ся!
О, попе, покай ся!

Ох, покай ся, попе, бо тя чорт возмет,
коли не зоставиш, тогды тя порвет.
Так ся тучиш, объѣдуеш,
же чрево тѣгати не бируеш.
Попе, вже покай ся!

Тѣсен путь до раю, врата узкыя,
людям показуеш посты твердыи,
а сам ѣш, пиеш стравы дорогыя.
Глубоко спиш – пробуди ся!
Заблудил есь – наверни ся!
О, попе, покай ся!

 

Жерело: Др. Іван Франко. Карпаторуське
письменство XVII–XVIII віків. У Львові, 1900. Стор. 145